Sidien ta’ biċċiet art allokati taħt l-Iskema ta’ Sjieda tad-Djar huma meħtieġa jħallsu tariffa ekwivalenti għal 25% tal-valur tal-art jekk ikollhom l-intenzjoni li jiżviluppaw mill-ġdid il-biċċiet art f’diversi unitajiet. Madankollu, jekk l-unitajiet residenzjali żviluppati ġodda jinżammu mis-sid jew minn uliedhom, it-tariffa tal-iżvilupp tista’ tiġi rinunzjata.
Għal biċċiet art li jissodisfaw il-kriterji stabbiliti, tinħareġ ipoteka fuq il-proprjetajiet żviluppati mill-ġdid minflok ħlas fi flus kontanti.
>18Y
Età tal-applikant
25%
Tneħħija tat-tariffa massima għall-iżvilupp
Sidien tal-Plot tal-HOS
Mistoqsijiet Komuni
Jekk proprjetà li oriġinarjament ġiet akkwistata mill-Awtorità taħt l-HOS scheme jew skemi simili u l-benefiċjarju jew sid sussegwenti jrid jagħmel żvilupp tal-proprjetà li ħa jirriżulta f’iżjed minn residenza waħda jew għalkemm se tinżamm residenza waħda se teċċedi ż-żewġ sulari, il-formola tal-PDA għandha tiġi sottomessa. Dan minħabba klawżoli restrittivi li jinsabu fil-kuntratt oriġinali mal-Awtorità u li jibqgħu japplikaw għas-sidien kurrenti, sakemm wieħed ma jaderixxix mal-policy applikabbli.
F'dan il-każ, l-applikant m’għandux jimla din il-formola. Madankollu, jekk fil-futur, il-proprjetà tkun se tiġi żviluppata, il-formola trid timtela qabel ma jsir l-iżvilupp.
Dawn il-partijiet imsemmija hawn taħt jistgħu jissottomettu din il-formola:
- Is-sid tal-plott
- In-nutar maħtur mis-sid tal-plott
- In-nutar maħtur kemm mis-sid tal-plott kif ukoll mix-xerrej potenzjali
Il-formola tiġi riveduta mill-Awtorità tad-Djar.
- Jekk tkun meħtieġa biss il-miżata għall-iżvilupp, titwettaq il-valutazzjoni tal-plot. Il-miżata tal-iżvilupp imbagħad tiġi kkomunikata mal-applikant jew man-Nutar tal-applikant. Jekk l-applikant jixtieq ikompli bil-proċess tal-ħlas tal-miżata tal-iżvilupp, in-Nutar tal-applikant huwa mitlub jikkuntattja lill-Awtorità tad-Djar.
- Meta jkunu se jinżammu xi units residenzjali, titwettaq il-valutazzjoni tal-plot flimkien mal-kalkolu tal-ipoteki. L-applikanti jiġu kkuntattjati mill-Awtorità tad-Djar biex jiġu infurmati dwar kif għandhom jipproċedu.
Il-miżata u/jew l-ipoteki huma neċessarji biex is-sid jiġi eżonerat mill-klawżoli restrittivi li jillimitaw l-iżvilupp. Fil-każ ta’ ipoteka ma jkunx hemm eżoneru totali għax il-pagament ikun irid isir jekk xi unit mill-iżvilupp jiġi mibjugħ lil terzi.
Iva, sid il-plott huwa intitolat għal ipoteka waħda fuq unit residenzjali waħda. Jekk tinbiegħ l-istess unit residenzjali, is-sidien tal-plottijiet ikollhom iħallsu l-miżata proporzjonata tagħhom lill-Awtorità tad-Djar.
Iva. It-tfal tas-sidien tal-plott huma intitolati għal ipoteka waħda fuq unit residenzjali waħda kull wieħed jekk ma jkunux diġà sidien ta’ proprjetà residenzjali oħra. Jekk aktar tard l-ulied jiddeċiedu li jbiegħu l-unit rispettiva tagħhom, ikollhom iħallsu l-miżata proporzjonata tagħhom mal-Awtorità tad-Djar.
F'dan il-każ, it-tfal m'għandhomx dritt għal ipoteka, għalhekk il-miżata proporzjonata hija dovuta lill-Awtorità tad-Djar.
L-ebda dokument ma jkun meħtieġ li jiġi ppreparat. Madankollu, għandha tiġi sottomessa informazzjoni bħan-numru tal-fajl, l-indirizz tal-plott u l-informazzjoni personali.
Kopja tal-pjanti proposti hija meħtieġa kull meta s-sidien tal-plot jixtiequ jżommu unit residenzjali waħda jew aktar għalihom infushom u/jew għal uliedhom.
Ir-riċerki notarili huma meħtieġa fil-każijiet fejn is-sidien tal-plott jixtiequ jżommu unit waħda jew aktar għal uliedhom, li ma jkunux diġà sidien ta’ proprjetà li tista’ tintuża għal skopijiet residenzjali.
Il-miżata tal-iżvilupp hija kkalkulata bħala 25% tal-valur tal-art li tista’ tiġi żviluppata.
Il-valutazzjoni tal-plott hija valida għal sentejn (2), li jibdew mid-data tal-valutazzjoni.
Il-miżata għall-iżvilupp tista' tiġi mħallsa mill-bejjiegħ jew mix-xerrej – huma l-partijiet li jiftehmu bejniethom. L-importanti li titħallas qabel isir kwalunkwe żvilupp.
Iva, jekk jogħġbok imla l-ewwel u t-tieni sezzjoni tal-formola.
Jekk il-proprjetà diġà ġiet żviluppata, xorta trid timla l-formola sabiex tirregolarizza l-pożizzjoni tiegħek u tiġi eżonerata minn kwalunkwe klawżoli restrittivi li jillimitaw l-iżvillupp. Jekk sid il-plott jibqa’ jinjora u jonqos milli jikkopera mal-Awtorità tad-Djar, tittieħed azzjoni legali li tista’ twassal biex il-proprjetà jkollha terġa’ lura għall-istat oriġinali tagħha kif oriġinarjament approvat mill-Awtorità jew il-kuntratt jiġi revokat minħabba ksur ta’ din il-klawżola.